Për rreth një orë në Kryesinë e Partisë Socialiste u diskutua për organizimin e strukturave të PS për të qenë permanente me elektoratin dhe jo vetëm gjatë periudhës zgjedhore.
Sekretari i përgjithshëm i PS-së, Damian Gjiknuri pasi bëri të ditur se çfarë u diskutua foli dhe për reformën zgjedhore, për të cilën tha se janë gati të ulen në tryezë me opozitën për këtë çështje.
“Komisioni i reformës zgjedhore besoj është një komision që në traditën e çdo kohe në parlamentin shqiptar ka qenë bipartrizan, dhe ne pas marrjes së kërkesës së PD do vendosim ngritjen e përbashkët të këtij komisioni dhe unë nuk shoh ndonjë pengesë. Për çështjet që ka traditë parlamentare bashkëpunimin PS dhe PD dhe të tjerët duhet të jenë pjesë e komisionit të reformës zgjedhore”, tha ai.
Sakaq, Gjiknuri tha se PS është gati dhe për zgjedhje të pjesshme vendore pas zbardhjes së vendimit të Gjykatës Kushtetuese. “Partia Socialiste ka qenë partia që fitoi zgjedhjet dhe është fokusi kryesor dhe ajo që konkurron në zgjedhje në çdo kohë”, vijoi ai.