Kryetarja e PS-së së Tiranës, njëherësh deputetja, Blerina Gjylameti me tone të ashpra ka sulmuar opozitën, duke i quajtur deputetët e saj si “ditëzinj” pa alternativë.
Gjylameti shkruan se miqtë europian po ja thonë se aksioni i tyre po dëmton integrimin e Shqipërisë. ““Si ka mundësi që nuk ngeli mik i shqiptarëve, mik i përbashkët i yni, që nuk po i vë në dukje këtyre rrëmujaxhinjve pa alternativë, se duhet të ndalojnë duke i bërë dëm Shqipërisë dhe integrimit në EU.
Mjaft o ditëzinj, mjaft keni vrarë dhe keni vjedhur këtë popull, mjaft kanë paguar shqiptarët për 30 vite haraç për oreksin tuaj të pushtetit.
Zbrit Lul nga katet e fundit pa leje, ku të kanë degdisur dhe s’të lenë të zbresësh. Është mirë të zbresësh për hir të gjithë atyre demokratëve, që kanë bërë shumë për këtë vend”, shkruan socialistja.
Më tej deputetja e PS fton Lulzim Bashën të mos dëgjojë Monika Kryemadhin, pasi sipas tij ideja për pushtet e ka bërë atë barsaletë.
“Të ftoj mos ta dëgjosh Monikën ideja e saj për pushtetin e ka bërë LSI-në një barsaletë, personazhet e së cilëve s’janë dhe aq të këndshëm për ata që votojnë.
Sa për reformat e mbi të gjitha për reformën zgjedhore kemi që në Shtator 2017, që ju presim dhe mirëpresim. Ne detyrat dhe impenjimet tona do të vazhdojmë t’i bëjmë , edhe drejtësia shumë shpejt do t’i bëjë”, shkruan ajo.