Njëmbëdhjetë shqiptarë të akuzuar për kultivim kanabisi në Britaninë e Madhe, janë dënuar në total me 37 vite burg.
Mediat angleze raportojnë se grupi ngrinte shtëpi bari e ferma kanabisi në Ashford, Canvey Island dhe Hertfordshire midis gushtit 2019 dhe gushtit 2020.
Më shumë se 485 bimë u sekuestruan gjatë një hetimi të kryer nga Drejtoria e Krimeve të Rënda të Kent dhe Essex.
U sekuestrua edhe një gjysmë kilogram tjetër drogë e bërë gati për shitje, si dhe një shumë parash cash rreth 61,000 £.
Grupi u zbulua me 19 tetor ku policia e Kentit ndaloi një makinë pranë Maidstone.
Drejtuesi i mjetit ishte Drilon Dishi dhe brenda efektivëve i gjetën një bllok shënimesh, i cili përdorej si regjistër. Dishi u arrestua dhe pranoi se dokumentet ishin të tijat, por pretendoi se ato përshkruanin ‘punë të vogla’ që ai kishte bërë në një fermë në Shqipërinë.
Ai mohoi se emrat e disa personave në fletë ishin identitete të bashkëpunëtorëve dhe pretendoi se emri ‘Hekri’, duke iu referuar Hekuran Perhatit, ishte në fakt një emër për një metal.
Një kontroll në pronën e tij çoi në sekuestrimin e 25,560 £ cash dhe Dishi fillimisht u akuzua se ishte i lidhur në prodhimin e kanabisit.
Ai u mbajt në paraburgim, por më vonë u lirua me kusht përpara se të arrestohej më tej si pjesë e bandës.
Regjistri i sekuestruar nga Dishi, i kombinuar me dosjet e celularit të tij, u dha detektivëve një bazë informacioni të papërpunuar që çoi në identifikimin e vëllezërve Perhati, Doris dhe Hekuran.
Detektivët zbuluan lidhjet mes grupit dhe më pas zbuluan magazinën në Hertfordshire.
Detektivët thanë se një numër i të dyshuarve, përfshirë Doris, Ylber dhe Fation Perhati, përfunduan punimet e magazinës për ta kthyer ambientin në një fabrikë të lulëzuar kanabisi.
Brooklyn Selita, Adrian Toma, Kejvi Leba dhe Klevis Prenga gjithashtu punonin në kantierin e kanabisit, që ishte në pronësi të David Toal.
Autorët e mëposhtëm u shpallën fajtorë pas një gjyqi në Gjykatën e Maidstone Croën.
- Fation Perhati, 29 vjeç, nga Mungo Park Road, Rainham, Londra Lindore, u burgos për tre vjet e gjashtë muaj.
- Ylber Perhati, 39 vjeç, nga Mungo Park Road, Rainham, Londra Lindore, u burgos për pesë vjet.
- Klevis Prenga, 32 vjeç, pa adresë fikse, u dënua me katër vjet burg.
- Brooklyn Selita, 19 vjeç, nga Falcon Way në Harrow, Londra e Madhe, u burgos për pesë vjet. Ai u dënua gjithashtu për posedim të kokainës.
- David Toal, 50 vjeç, nga Waterside në London Colney, Hertfordshire, u burgos për katër vjet.
- Olsin Perhati, 21 vjeç, pa adresë fikse, u shpall i pafajshëm për të njëjtën vepër.
Autorët e mëposhtëm pranuan se kishin punuar në kanabis. Ata u dënuan në Gjykatën e Maidstone Crown në të njëjtën datë:
- Doris Perhati, 25 vjeç, nga Week Street, Maidstone, u burgos për pesë vjet e tre muaj.
- Hekuran Perhati, 34 vjeç, nga Victoria Crescent, Ashford, u burgos për pesë vjet e shtatë muaj.
- Ndue Paluca, 30 vjeç, nga Maple Street, Sheerness, u burgos për 10 muaj.
- Dashmair Disha, 35 vjeç, pa adresë fikse, u burgos për 10 muaj.
- Kejvi Leba, 21 vjeç, nga Mill Lane, Watton-at-Stone, u burgos për një vit e pesë muaj.
- Adrian Toma, 24 vjeç, pa adresë fikse, u burgos për një vit e shtatë muaj.
Drilon Dishi, 37 vjeç, pa adresë fikse, ka pranuar gjithashtu se ka qenë pjesë e prodhimit të kanabisit dhe pritet të marrë një dënim më 19 nëntor.