Në prag të zgjedhjeve lokale të 30 qershorit 2019 kryetarja e Bashkisë Shkodër është bërë mjaft aktive. Synimi kryesor i saj me siguri është rikandidimi për këtë post. Voltana Ademi ka deklaruar se qytetarët janë të rrezikuar nga mungesa e sigurisë në vend.
“Me post a pa post, është fakti që ne na cenohet siguria e qëndrimit në këtë vend. Kur them na cenohet jo vetëm si drejtuese e bashkisë. Ka një ankth të pa imagjinueshëm të biznesit. Ne do të shkojmë tek një proces ku tu themi njerëzve që kur të shkojnë tek qendra e votimit të mos jenë ata me pistoletë. Vetëm këtë duam të garantojmë. Pastaj njerëzit kanë qëndrimin e vet për secilin prej nesh. Në këtë moment që flasim, përtej çdo posti edhe siguria kombëtare rrezikohet kur flasim për një gjendje kaq të rëndë ekonomike dhe me krimin”, tha Voltana Ademi për emisionin “360 Gradë” në Ora News.