Ish deputeti i PD-së, Ervin Salianji ishte mëngjesin e kësaj të premte në Prokurori ku është thirrur në cilësinë e të pandehurit për dosjen “Babale”, nga dy prokurorët e çështjes, Genci Qana dhe Kol Hysenaj.
Për këtë çështje në hetim janë Albert Veliu, i njohur si Babalja, personi që imitoi zërin e Agron Xhafës, Fredi Alizoti dhe gazetari Jetmi Olldashi. Gjykata ka urdhëruar prokurorinë që brenda datës 20 mars të përfundojë hetimin për çështjen ndaj Salianjit.
Duke folur për mediat ish deputeti demokrat tha se nuk është bërë asnjë hetim. “Nuk ka pasur asnje hetim per te akuzuarit. Une u mora si i pandehur se denoncova nje trafikant”- tha Salianji.