Duket se lajmi që nuk do të jetë më ministër, sikur i ka dhënë frymëmarrje Damian Gjiknurit, i cili në këto foto që sapo ka postuar në Instagram shfaqet sportiv, pa kostumin e zakonshëm zyrtar dhe shumë festiv teksa mban në dorë një gotë verë.
“Me themelues, anëtarë, drejtues dhe simpatizantë të Partisë Socialiste në Vlorë. Aty ku ndjehesh socialist i vërtetë dhe kjo sot ka më shumë kuptim se kurrë. Shkëmbyem urime të përzemërta për festat e fundvitit, me besimin e plotë se Qershorin e ardhshëm do ti garantojmë familjes sonë të madhe politike suksesin në 7 bashkitë e Qarkut. Vlora ka treguar gjithmonë se më shumë se sa konsumon pushtet është në fakt lokomotiva që i jep PS mundësinë për të qeverisur dhe ndërtuar #ShqipërinëQëDuam”, shkruan Gjiknuri.
