Mbase duket sikur ata kanë jetën perfekte edhe përtej Instagramit, ose se ata nuk preken nga poblemet e shëndetit mendor, por në fakt, personazhet e famshme janë nësoj si ne, mbase edhe më të predispozuar për tu prekur.
Këtë na e ka treguar së fundmi edhe modelja Bella Hadid. Teksa ka postuar disa fotografi duke qarë, modelja vuri në dukje se mediat sociale nuk janë reale dhe u bëri thirrje ndjekësve të saj që po luftojnë me shëndetin mendor të kujtojnë gjithmonë se ka dritë në fund të tunelit.
Modelja citoi Willoi Smith: “Të gjithë njerëzit janë të ndryshëm, çdo njeri ka diçka kaq të veçantë dhe unike për të ofruar. Dhe njerëzit harrojnë se të gjithë ndihen në thelb njësoj: të humbur, të hutuar, të pasigurt pse janë këtu. Ankthin të gjithë po e ndjejnë dhe përpiqen ta mbulojnë në një farë mënyre.”
Më pas, Hadid ka shkruar se asaj iu desh shumë kohë për të kuptuar se gjërat mund të bëhen mirë. “Mediat sociale nuk janë reale. Për këdo që ka vështirësi, ju lutemi mbani mend këtë. Ndonjëherë gjithçka që duhet të dëgjoni është se nuk jeni vetëm. Pra, nga unë te ju, nuk jeni vetëm.“, shkroi modelja, duke dhënë një mesazh për të gjithë.