Kryeministri Edi Rama ka publikuar në rrjetet sociale një video ku tregon impresionet e homologut holandez Mark Rutte, pasi ky i fundit vizitoi zyrën e tij.
“Oh, kjo është zyra jote?!”, pyet disi i habitur Rutte nga pikturat e vendosura si muret e brendshme të Kryeministrisë.
Mandej, Rama i tregon kryeministrit holandez një bust të Lincoln që lexon “Twitter”- in e Donald Trump, pikturat dhe kravatat e dizajnuara prej tij, portretin e Ismail Qemalit, si dhe një letër nga Papa Françesku.
Kryeministri Rutte i ka shprehur Ramës dhe mendimin e tij se është i veçantë. “Zyra e Kryeministrit holandez në Hagë është më e veçanta që kam parë dhe prej kohësh prisja t’i ktheja në Tiranë nderin e mikpritjes miqësore që më rezervoi”, shkruan Rama në rrjetet sociale.