OSHEE ka vendosur 50 milionë lekë të rinj gjoba ndaj qytetarëve të cilët kanë kapur duke vjedhur energji. Drejtori i departamentit të matjes dhe leximit Ermal Murati thotë se Tirana ka numrin më të madh të subjekteve që abuzojnë, pasi mendojnë se akoma mund ta vjedhin energjinë elektrike.
“Aktualisht vetëm për muajin tetor dhe fillimin e nëntorit kemi vendosur 50 milionë lekë të rinj gjoba për rastet që kemi identifikuar, dhe nuk janë pak. Tirana përfaqëson bazën më të madhe të konsumatorëve, që do të thotë do të kemi dhe grupe konsumatorësh, pa i paragjykuar, që në kulturën e tyre akoma mendojnë se mund të vjedhin energjinë elektrike. Ëshë zona e Shkodrës, është zona e Kukësit, është dhe një pjesë e Vlorës, ku kemi konstatuar që ka abuzime me energjinë elektrike. Në një pjesë të Burrelit kemi abuzime me energjinë elektrike, por kur themi qytetet, nuk do të thotë i gjithë qyteti. Nënkuptojmë që ashtu si funksionon edhe infrastruktura teknike e OSSHE-së, çdo gjë shikohet aty ku konsumohet energjia elektrike dhe ku konsumohet energjia elektrike.
Nga çfarë kemi konstatuar ne në terren, kemi dhe hoteleri që kanë abuzuar me energjinë elektrike. Kemi subjekte me veprimtari të ndryshme, siç mund të jetë edhe në një prodhim, apo furrë buke, kemi konstatuar edhe bare, edhe lokale, të cilat futen te sektori i biznesit. Pse te kategoria e biznesit?
Ka raste kur janë denoncuar dhe janë kapur konsumatorë, të cilët kanë bërë ndërhyrje në sistemin e matjes, edhe pse rrjeti është solid, i teknologjisë së fundit”, deklaroi Murati.