Nis faza e testimit për një vaksinë kundër kancerit të gjirit. Pas dritës jeshile të dhënë nga Food and Drug Adminitration, FDA në SHBA, Cleveland Clinic ka bërë të ditur se do nisë eksperimentimi tek gratë për vaksinën e projektuar për të parandaluar kancerin e gjirit, madje formën më agresive dhe më të vështirë për t’u trajtuar.
Nëse këto testime do të rezultojnë të susksesshme siç shpresohet, do të gjendemi përballë një arritjeje historike në mjekësi. Forma që pritet të parandalohet është ajo negative e trefishtë, që prek kryesisht vajzat e reja, dhe që vret ¼ e grave që prek brenda 5 vitesh nga shfaqja.
Për këtë preparat është punuar prej shumë vitesh, madje sukseset e para në laborator mbërritën që në vitin 2010. Megjithatë vetëm tani është pranuar kërkesa nga FDA, Agjencia Amerikane e Barnave, për testim tek njeriu. Do të aplikohet tek 18-24 gra fillimisht, dhe parashikohet që kjo vaksinë të jetë e ndarë në tre doza.