Këshilli i Lartë Gjyqësor ka reaguar ndaj disa deklaratave që sipas tyre janë etiketime dhe aludime fyese dhe jo etike ndaj gjyqtarëve nga palë ose përfaqësues të tyre dhe emisione të transmetuara në media të caktuara.
Të shqetësyar nga këto etiketime, KLGJ përmes një deklarate thotë se këto akte cenojnë rëndë figurën e gjyqtarit, pavarësinë e tyre dhe besimin e publikut ndaj sistemit gjyqësor, që nga sa duket kanë marrë shkas nga mosdakordësitë dhe pakënaqësitë për vendime gjyqësore të dhëna nga gjyqtarët gjatë ushtrimit të detyrës.
KLGJ i referohet deklaratave të bëra në emisione televizive nga avokatë që kanë hedhur akuza të forta ndaj disa gjyqtarëve.