Britney Spears ka pohuar se prindërit e saj duhet të mbyllen të dy në burg për marrjen e kontrollit të jetës dhe parave të saj për 13 vjet.
Superylli i popit u lirua nga kujdestaria nga një gjykatës javën e kaluar pas më shumë se një dekade, dhe tani ajo është në gjendje të flasë plotësisht kundër prindërve të saj.
Ajo madje la të kuptohej se një ditë mund të ulet me Oprah Ëinfrey dhe të diskutojë se si ishte, ashtu siç kanë bërë yjet e tjerë Princi Harry, Meghan Markle dhe Adele kohët e fundit.
Britney shpërndau një video në të cilën foli se sa mirënjohëse është që më në fund është ‘e pavarur dhe ndihet si grua’, por u shpreh ashpër për prindërit e saj, duke shkruar:
“Nuk po i përmend të gjitha të këqijat që ata më bënë mua, gjë për të cilën të gjithë duhet të jenë në burg… po, duke përfshirë edhe nënën time që shkon në kishë !!!!”
Ylli i popit foli për arsyet pse ajo tani duhet të jetë e lumtur pasi gjyqtarja Brenda Penny, vendosi se ajo tani mund të ketë kontroll të plotë të vendimeve të saj personale dhe profesionale në vijim. Më parë, babai i saj James Spears dhe partneri i tij i biznesit Lou Taylor kishin marrë vendime për të. Ajo gjithashtu deklaroi se kujdestaria ishte ideja e nënës së saj, Lynne Spears, sepse babai i saj nuk ishte “mjaftueshëm i zgjuar” për ta menduar atë.