Kreu i shtetit Ilir Meta e ka quajtur djegien e mendateve nga opozita dy vite më parë si një vendim idiot e të çmendur.
“Dëgjuan vetëm dy diplomat dhe bënë aktin e paligjshëm të dorëzimit të mandateve. Ilir Meta ka qenë kundër djegies së mandateve. Dhe për herë të parë po them që LSI ka qenë ajo që e ka penalizuar dhe dënuar Ilir Metën, duke e mbeshtetur këtë vendim të Lulzim Bashës”, tha Meta.
Ai shtoi më pas se PD në pushtet nuk mund ta sjellë ai.
“Ilir Meta nuk ka për detyrë që të sjellë gjithmonë në pushtet Partinë Demokratike. Unë nuk kam detyrë që të zgjidh hallet e Partisë Demokratike. Kam një lidhje me Partinë Demokratike sepse jam një ish student i Dhjetorit ’90, që mbrojta kauzën e Partisë Demokratike në Dhjetor të 90’, por nuk është detyra ime ta sjell në pushtet kur lidershipi i saj nuk ka vullnet”, tha ai.