Një 47-vjeçar ka rënë në prangat e policisë pasi u kpa duke transportuar emigrantë të paligjshëm.
Sipas policisë 47-vjeçari A.S., banues në Tiranë u arrestua në aksin nacional Sarandë-Gjirokastër në vendin e quajtur Qafa e Muzinës, duke transportuar 5 emigrantë kundrejt shumës 300 euro për person.
Ndërkohë në cilësinë e provës material u sekuestruan automjeti, dy aparat celularë dhe 1,500 euro dhe 135.000 lekë të rinj.
Gjirokastër-Informacion-Vijon operacioni policor i koduar “Muzgu”.
Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit.
Transportonte pesë emigrantë të paligjshëm, vihet në pranga 47-vjeçari.
Sekuestrohen një automjet, dy aparate celulare dhe një sasi parash.
Specialistët e Seksionit për Hetimin e Trafiqeve të Paligjshme, në bashkëpunim me Seksionin Operacional dhe Sektorin e Policisë Rrugore në DVP Gjirokastër, në vijim të operacionit “Muzgu”, për goditjen e aktivitetit kriminal të dhënies ndihmë të shtetasve të huaj për kalim të paligjshëm të kufirit, kundrejt fitimit, në bazë të informacioneve policore, kanë goditur një tjetër rast, si rezultat i të cilit u bë arrestimi në flagrancë i shtetasit A. S., 47 vjeç, banues në Tiranë.
Arrestimi i këtij shtetasi u bë pasi është kapur në flagrancë në aksin nacional Sarandë-Gjirokastër, në vendin e quajtur “Qafa e Muzinës”, duke transportuar me një automjet “Mercedes-Benz”, pesë emigrantë të paligjshëm nga vendet MENA, kundrejt shumës 300 euro për person.
Në cilësinë e provës materiale u sekuestruan automjeti, dy aparat celulare, 1.500 euro dhe 135.000 lekë të rinj.
Materialet në ngarkim të shtetasit A. S. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufirit”.