Një ish oficer ushtarak u arrestua me dyshimin për vrasjen e një çifti teksa fëmijët e tyre flinin lart pas një sherri për parkim.
Stephen Chapple, 36 vjeç dhe gruaja e tij Jennifer, 33, u gjetën me lëndime të rënda në shtëpinë e tyre në Norton Fitzwarren, Somerset, të dielën në mbrëmje.
Dy djemtë e tyre, pesë dhe gjashtë vjeç, po flinin lart në shtëpi në kohën e ngjarjes së tmerrshme, shkruan The Sun.
Një burrë 34-vjeçar u arrestua dhe që atëherë u emërua si ish-inxhinieri mbretëror komando Collin Reeves, i cili shërbente në Afganistan.
Një foto e tij në rrjetet sociale me uniformën e tij e tregon atë të veshur me medaljen e fushatës në Afganistan dhe medaljen jubilare të Mbretëreshës.
Policëve u është dhënë një zgjatje kohe për të vazhduar marrjen në pyetje të tij.
Një burrë tjetër, 67 vjeç, që besohet të jetë babai i tij, është liruar me kusht.
Sipas informacionet raportohet se Jennifer vdiq nga plagët e shumta me thikë, ndërsa një autopsi po vazhdon hetimet për Stephen.