Nënkryetari i LSI, Endrit Braimllari foli sot për rolin e Metës në drejtimin e LSI, por nuk bëri një zgjedhje mes tij dhe Kryemadhit.
“Meta është ideatori, themeluesi i LSI. Ai e hapi LSI kundrejt të rinjve. Shumë të rinj dhe të reja u ndjenë më të përfaqësuar.
Unë nuk mund të bëj dallime mes Kryemadhit dhe Metës. LSI ka luajtur rol ekuilibrues në vend. Kryemadhi e mori drejtimin e LSI në opozitë, në kushte shumë herë më të vështira. Roli i Metës në politikë është i patjetërsueshëm”, tha ai në ABC.