Konsorciumi Unicode ka publikuar edhe këtë vit listën e figurave më të përdoruara për vitin 2021.
Figurat apo edhe siç njihen ndryshe si emojis, përdoren shumë gjatë bisedave në rrjetet sociale dhe mund të themi se këto figura shpesh herë na nxjerrin nga disa situata të sikletshme.
Emoji që tregon lot gëzimi 😂 përbën mbi pesë për qind të të gjithë përdorimit të emoji-ve, dhe i vetmi emoji tjetër që i afrohet të parit është emoji i zemrës, (❤️).
Sipas medieve të huaja, përcjell Telegrafi, figura të tjera më të mira për vitin 2021 janë emojit si ‘njëri që qeshë për tokë, emoji i sinjalit të gishtit të madh, emoji që qan me të madhe, figura me duar të shtrënguara, emoji që dhuron puthje, fytyra që reflekton me zemra, emoji që ka sytë me zemra dhe emoji i buzëqeshur, 😂 ❤️ 🤣 👍 😭 🙏 😘 🥰 😍 😊.
Emoji-t më të përdorura nga përdoruesit gjatë bisedave nuk kanë ndryshuar shumë gjatë dy viteve të fundit, dhe në fakt, fytyra e qeshur dhe zemra e kuqe gjithashtu dy figurat më të mira në vitin 2019.