Florian Pupuleku është 17-vjeçari që humbi jetën në një aksident që ndodhi pasditen e sotme në Trebisht, Bulqizë, për shkak se mjeti me të cilin udhëtonte së bashku me një shokun e tij doli nga rruga dhe përfundoi në humnerë.
Pupuleku ka qenë maturant në shkollën e mesme Teknologjike “Hysen Çela” në Durrës, dhe senator i klasës së tij.
Lajmi ka lënë të hidhëruar miqtë dhe të afërmit e Florjanit të cilët kanë bërë postime prekëse në rrjetet sociale, për këtë aksident tragjik.
“Me keqardhje japim lajmin e hidhur se nxënësi i shkollës tonë, senatori i klasës së XII-U1 Florian Pupuleku ka humbur jetën në një aksident tragjik.
Stafi dhe nxënësit e shkollës i shprehin ngushëllimet familjes dhe shokëve.
Qoftë i xhehnetit dhe zoti i dhënte forcë familjes”, thuhet në reagimin e shkollës për ngjarjen tragjike.
Ndërkohë që i plagosur në aksidentin që ndodhi pasditen e sotme ishte 20-vjeçari Ervis Terziu.