Semi Jaupaj u largua para disa javësh nga “Big Brother VIP”. Por që atëherë, ajo nuk është shfaqur në thuajse asnjë intervistë e dalje publike. Po ashtu ka qenë shumë pak aktive në rrjetet e saj sociale.
Por çfarë ka ndodhur me të? Semi ka vendosur t’iu japë ndjekësve të saj një shpjegim.
Krahas një videoje, ku shfaqet duke kënduar një cover të këngës së Billie Elish, Semi ka shkruar:
“Ju premtoj që do të këndoj më shumë për ju. Vetëm se kam nevojë për pak kohë. Ndërkohë, mund të dëgjoni këtë cover që kam bërë gjatë karantinës. (Kam pasur një periudhë shumë të vështirë emocionale dhe jam akoma duke e marrë veten nga kjo gjë). Ju dua Tinkërbells-at e mi”.
Kujtojmë që Semi ishte e pranishme në studio në puntatën kur Donaldi pranoi pëlqimin për Beatrix, madje e revoltuar u largua pa përfunduar spektakli. Sakaq, ajo po ashtu i ka bërë “unfollow” Donaldit, që i është kthyer po në të njëjtën mënyrë nga Romeo, që menaxhon rrjetet e tij sociale.