Në Selinë Blu ka nisur mbledhja e Këshillit Kombëtar. Nga sa duket nga pamjet e siguruara brenda sallës, mbledhje ka nisur me ovacione dhe duartrokitje. Kuorumi në sallë është verifikuar. Prezentë janë 291 anëtarë nga 484.
Siç u bë e ditur edhe mbrëmjen e së shtunës pas mbledhjes së Kryesisë së Partisë, në këtë mbledhje të sotme pritet që të votohet për shkarkimin e Edi Palokës, anëtarëve të kryesisë që morën pjesë në Kuvendin e 11 dhjetorit si dhe katër sekretarëve Belind Këlliçi, Ivi Kaso, Ervin Minarolli dhe Ledina Mandia.