Analisti Artur Zheji mendon që “non grata” nuk do të qëndrojë vetëm te Berisha, por do të shkojë edhe më tej në PD. Ai tha se shpreson që ky parashikim i tij të mos dalë, por nuk e përjashtoi si mundësi.
“Kur e tashmja s’të pëlqen spostohesh në kohë ose në të ardhmen ose të kaluarën. E sotmja nuk është në favor të Berishës, e shkuara po… Situata Amerikë-Rusi… jemi në prag pothuajse të pushtimit të Ukrainës, kemi dy baza amerikane në Shqipëri… Në këtë moment ndodh që amerikanët janë shumë xhelozë për vendimet që marrin. Kam shumë frikë se do shkohet te PD. Nuk është burrëri të dalësh kundër Amerikës sot, kundër ambasadores dhe Blinken.
Erdhi zv.ndihmës ambasadori dhe tha ambasadorja jemi ne. Unë dua të përgënjeshtrohem, nuk dua të më vërtetohen fjalët, por ky është një kurs ndërkombëtar me risk të madh”, tha Zheji.