Ende nuk është e qartë situata se çfarë ka ndodhur ne banesën ku jetojnë 12 familje, afër shkollës së mesme “Petro Nini Luarasi” në Tiranë. Familjet vijojnë të kundërshtojnë me forcë daljen nga shtëpia, ndërkohë që dëgjohen edhe britma fëmijësh.
Në vendngjarje kanë mbërritur forcat e policisë, zjarrfikësja dhe ambulanca, teksa disa nga banorët e kësaj ndërtese janë shtruar në spital.
Dhe pse herë pas herë janë nxjerrë jashtë nga policia, ata këmbëngulin të qëndrojnë brenda banesës, teksa ka pasur edhe një vatër zjarri, që u shua falë ndërhyrjes së zjarrfikëses. Situata vijon të mbetet e nderë. Mësohet se ata jetojnë në këtë godinë që prej vitit 1997, kur dhe ka nisur kalvari gjyqësor për pronën me ish-pronarët e truallit.
Banorët thonë se janë në proces legalizimi dhe me vendim gjykate nuk duhet të preken shtëpitë. Trafiku në zonë vijon të mbetet i bllokuar, pasi banorët vendosën të shtrihen në rrugë. Madje, ka prej tyre që refuzojnë ndihmën mjekësore
