Grupi parlamentar socialist është mbledhur këtë të hënë nën drejtimin e kreut të Kuvendit, Gramoz Ruçi, në mungesë të kryeminsitrit Rama. Ky i fundit është në tryezën e organizuar me FSHF-në për sigurinë në stadiume.
Këtë të enjte nuk do të ketë seancë parlamentare, për shkak të ditës së pushimit, Ditës së Verës, por një ditë para. Ruçi ka kërkuar prezencë të plotë në sallë, teksa ka kërkuar që pjesë e diskutimeve të mos jetë opozita.
“Pjesë e diskutimeve në seancën nuk duhet të jetë opozita, por ligji dhe qytetarët”- mësohet të ketë thënë Ruci, referuar burimeve nga mbledhja e grupit të PS-së.
Sipas Rucit, diskutimet duhet të jenë brenda rendit të ditës.