Kreu i bashkisë Erion Veliaj ka zgjedhur një mënyrë të veçantë për organizimet festive për Ditën e Verës, duke realizuar një sondazh online në rrjetet sociale, Instagram Facebook dhe Tvvitter, se kur duhet të bëheshin festimet.
Sipas Veliajt, 80 për qind e 10 mijë votuesve kanë caktuar datën 17 mars, që përkon një ditë pas protestës së opozitës para kryeminsitrisë.
Ka qenë vetë Veliaj që ka dhënë lajmin për festimet që do të ketë rreth 50 aktivitete festive për fëmijë e të rritur.
“Shumica vendosi! Duhet ta bëjmë më shpesh këtë! Në të tre rrjetet sociale Tëitter, Facebook dhe Instagram mbi 10,000 vetë morën pjesë në votim! Festimet për Ditën e Verës në Tiranë do të zhvillohen të Dielën 17 Mars – evitojmë shiun, shijojmë mbi 50 evente familjare”, shkruan Veliaj në Facebook.