Dy ditë para mbajtjes së Kuvendit Kombëtar të thirrur nga Basha dhe njëkohësisht referendumit për shkarkimin e tij të propozuar nga Komisioni i Rithemelimit në PD, janë ndërruar bravat e selive blu nëpër rrethe të ndryshme të vendit.
Lidhur me këtë situatë ka reaguar edhe ish kryeministri, Sali Berisha i cili me anë të një statusi në rrjetin e tij social ka shkruar se nuk ka asgjë që mund të pengojë vullnetin e lirë të demokratëve.
“Nuk ka vulë, bravë apo dryn që mund të pengojë vullnetin dhe votën e lirë të demokratëve“, shkruan Berisha.