5004 delegatë të Kuvendit Kombëtar të PD janë të pranishëm në sallën e Pallatit të Kongreseve sot, ndërsa lajmin e bëri të ditur, Jemin Gjana.
Ai i kërkoi strukturës së PD-së që nesër pasi të jenë hedhur në sistem 5004 emrat të bëhen publik.
“Pasi kanë marrë të dhënat e 14 komisioneve të krijuara po me vendim të Kryesisë për regjistrimin e delegatëve. Nga të dhënat e regjistrimeve në të 14 komisionet e verifikimit të mandateve të delegatëve të Kuvendit, sekretariati pranë komisionit ka regjistruar të dhënat e pjesëmarrjes. Nga totali i anëtarëve sipas prezencës të nënshkruar prej secilit prej delegatëve janë të pranishëm 5004 delegatë të Kuvendit. Duke theksuar se këto 5004 zonja dhe zotërinj nuk janë numra, janë emra, firma, identitete. Si kryetar i këtij komisioni i kërkoj strukturës së PD që nesër pasi të jenë hedhur në sistem 5004 emrat që kanë nënshkruar pjesëmarrjen në Kuvend të bëhen publike. E kemi diskutuar t’i bënim këtu në sallë publike, por e filluam me një orë punimet e Kuvendit”, tha Gjana.