Ish-kryeministri Sali Berisha nuk e njeh Lulzim Bashën si kryetar të PD-së.
Në një deklaratë për mediat jashtë selisë blu, ndërsa njoftoi se rreth 44 mijë anëtarë të PD kanë votuar për shkarkimin e tij, Berisha u pyet nga gazetarët se si do ta nxjerrë Bashën nga zyra, pasi ai nuk e njeh referendumin.
“Ai nuk njeh as veten”, tha Berisha.
Pyetjes se kur do të jetë në seli, lideri historik i PD iu përgjigj: “Këto ditë do të jemi në seli. Ndërsa ai (Basha) do të rrijë aty i rrethuar”.
Por se nga kush i rrethuar, Berisha nuk dha detaje.
Por si do ta largoni, ai nuk ikën?, ishte pyetja këmbëngulëse.
“Pse, do fillojë grevë urie në zyrë ai? Le ta provojë”, kërcënoi Berisha.