Sfida ndaj Teutës kishte një peshë shumë specifike për Tiranën, ishte shumë e ndeshje delikate në çdo aspekt me bardheblutë që duhet të reagonin pas humbjes së pësuar kundër Laçit, këtë duhet ta bënin përballë kampionëve në fuqi që i sfidonte sërish me Edi Martinin në stol. Presioni ishte i madh pasi edhe Kukësi i kishte marr provizorisht kreun.
Ekipi i Shehit e menaxhoi si duhet këtë sfidë, nuk ranë pre e presionit por me qetësi dhe me lojën e tyre, arritën të merrnin një fitore të madhe 2-1 që i mban në krye. Ishte shumë e rëndësishme që Tirana të fitonte këtë sfidë pasi vinte përpara derbit të kryeqytetit ndaj Partizanit, një ndeshje që bardheblutë dëshirojnë ta fitojnë për të mos i dhënë më shumë zemër rivalëve dhe për të likuiduar përfundimisht Partizanin nga gara për titull.
Shehi përkëdhel sërish liderin e ri të ekipit, Taulant Seferin, i cili ndaj Tetës shënoi golin e tij të tetë sezonal, por i mungon një gol në derbi, një fakt që kërkon ta thyej të enjten. Shehi vijon të qëndrojë me këmbë në tokë, nuk fshihet, është i qartë që në këto kushte vetëm titulli mund të përmbush egon e drejtuesve dhe tifozëve, edhe egon e tij, por në të njëjtën kohë nuk përjashton nga kjo garë as Teutës, e as Partizanin, thjeshtë dëshiron të mbyll këtë vit me një fitore në derbi që do të ishte dhurata më e bukur që mund ti bënte tifozëve dhe të gjithë ambientin bardheblu, për të punuar më pas me kujdes në merkaton e janarit dhe për të përgatitur si duhet pjesën e mbetur të sezonit.