Avokati Ylli Manjani ka komentuar deklaratën e Monika Kryemadhit e cila ka kërkuar ndjesë për djegien e mandateve. “Ndjesa zakonisht pranohet, por që “djegia e mandateve dëmtoi opozitën” nuk më bind shumë. Faktet ulërasin se ajo e kjo opozitë që është sot, si në parlament ashtu edhe jashtë tij e kishte dhe ende e ka shejtanin brenda”, shkruan Manjani.
Postimi i Manjanit
Monika ka hyrë në vitin e pestë në krye të LSI dhe vetëm kërkon ndjesë. Ndjesë për LSI e Ilirit e ndjesë për LSI e vet.
Ndjesa zakonisht pranohet, por që “djegia e mandateve dëmtoi opozitën” nuk më bind shumë.
Faktet ulërasin se ajo e kjo opozitë që është sot, si në parlament ashtu edhe jashtë tij e kishte dhe ende e ka shejtanin brënda.
Më mirë djepi bosh se shejtani brenda- thonë mirditorët.
Ndaj them se më shumë sesa djegia e mandateve, opozitën e ka dëmtuar vetvetja; kryetarokracia;mbyllja e plotë ndaj shoqërisë e nevojave të saj për përfaqësim real.
Opozita duhet ribërë nga fillimi.
Ndjesa nuk mjafton…