Punimet në aneksin e stadiumit “Liri Ballabani” në qytetin e Burrelit janë drejt përfundimit.
Sot firma zbatuese e projektit nisi shtrimin e tapetit sintetik dhe pritet që brenda pak ditëve ky investim të përfundojë brenda të gjitha standarteve.
Burime pranë Bashkisë Mat bënë me dije se pushteti lokal po tregon vëmendje për të gjitha sportet në përgjithësi, sidomos për futbollin në veçanti.
Pas investimeve në stadiumin e qytetit dhe ngritjes e funksionimit të ekipeve zinxhirë, tani po tregohet kujdes për terrenet sportive të stërvitjes për të gjitha ekipet e moshave.
