Kur do të nxirret Lulzim Basha nga selia e PD?
Kjo ishte pyetja që iu bë ish-kreut të PD, Sali Berisha, në një emision televiziv.
Berisha tha se kreu aktual i PD-së, Lulzim Basha, duhet të lirojë zyrën në PD, sepse sipas tij, deputetëve nuk u takon një zyrë.
Ai tha se janë anëtarët ata që do ta shoqërojnë Bashën nga selia, si “përmbarues të vendimit të tyre”.
“Anëtarët e PD do ta shoqërojnë (Bashën) njerëzisht jashtë selisë në mënyrë përfundimtare. Ata janë përmbaruesit e vendimit të tyre. Nuk ka punë Sali Berisha me këtë. U mblodhëm në protestën e fundit. Shumë njerëz kishin dëshirë ta nxirrnin nga selia. Jo – thashë, – do t’i dërgohet një shkresë. S’kemi pse humbasim ne seriozitetin. I thamë ‘je deputet, liro ato zyra, sepse deputetët nuk kanë zyrë’. Mund të bëhej më shpejtë por i dhamë kohë. Gjithçka është bërë konform rregullave dhe me qytetari. Por, a kam mundësi për ta ndërprerë këtë? Absolutisht jo. Këtë nuk mund ta ndaloj unë absolutisht, sepse është vendim i anëtarësisë”, tha Berisha.