Policia e Fierit ka sekuestruar një sasi prej 31 kg kanabis, duke vënë në pranga babë e bir. Sipas policisë në sajë të operacionit të koduar “Lënginas”, janë arrestuar B.G, 51 vjeç dhe A.G, 27 vjeç, nga Patosi.
Në banesën e tyre u gjetën dhe sekuestruan në cilësinë e provës materiale 31 kg lëndë narkotike e dyshuar Cannabis Sativa. Gjithashtu, nga kontrolli i ushtruar në servisin e kasetofonave në pronësi të tyre, u gjetën disa doza me lëndë narkotike kanabis.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”.