Erion Çela 35 vjeç është vrarë me armë zjarri në zonën e “Don Boskos” në Tiranë, ndërsa të plagosur kanë mbetur edhe 4 persona të tjerë, mes të cilëve edhe vëllai i viktimës, shtetasi Blerim Çela 28 vjeç.
Të plagosur gjithashtu kanë mbetur edhe Arben Dani, 46 vjeç, Edmond Crroj 41 vjeç si dhe Azbi Selimaj 19 vjeç. Ky i fundit ishte kamarieri i lokalit ku ndodhi ngjarja.
Sipas policisë, ngjarja ka ndodhur në ambientet e një lokali, ku dyshohet se është qëlluar me armë zjarri nga jashtë, në drejtim të një tavoline ku ishin ulur pesë shtetas.
Tiranë/Informacion paraprak
Më datë 04.01.2022, rreth orës 16:15, në “Don Bosko”, në ambientet e një lokali dyshohet se është qëlluar me armë zjarri nga jashtë, në drejtim të një tavoline ku ishin ulur pesë shtetas.
Si pasojë e të shtënave, shtetasi E. Ç., 35 vjeç ka humbur jetën, dhe janë plagosur shtetasit A. D., 46 vjeç, A. S., 19 vjeç, B. Ç., 28 vjeç dhe E. C., 41 vjeç.
Shërbimet e Policisë kanë ngritur pika kontrolli në të gjitha pikat hyrëse-dalëse të Tiranës dhe në brendësi të lagjeve ku dyshohet se janë larguar personat, të cilët pasi kanë qëlluar me armë zjarri, janë larguar me një automjet tip “Mercedes-Benz”.
Grupi hetimor ndodhet në vendngjarje dhe po punon për sqarimin e rrethanave të ngjarjes.