Policia e Elbasanit njofton se është gjetur i pajetë nga fqinjët një 58-vjeçar. Sipas policisë, nga këqyrja paraprake shihet se ai nuk ka shenja dhune dhe dyshohet se vdekja ka ndodhur për shkaqe natyrale, për shkak të konsumimit të alkoolit.
“Rreth orës 12:10, në lagjen “5 Maji”, Elbasan, është gjetur pa shenja jete, nga fqinjët, në banesën ku jetonte me qira, shtetasi B. K., rreth 58 vjeç, banues në Patos, Fier.
Nga këqyrja paraprake nuk janë konstatuar shenja dhune.
Paraprakisht dyshohet se vdekja është natyrale, për shkak të konsumimit të lartë të alkoolit”, thuhet në njoftimin e policisë.