Sekretari i Përgjithshëm i Partisë Demokratike Gazment Bardhi ka denoncuar sot skenarin e Sali Berishës për akte dhune në protestën e 8 janarit, të shtunën, që është thirrur të mbahet në ambientet e jashtme të selisë së PD-së.
Sipas Bardhit, “Berisha kërkon gjakderdhje”. Bardhi i referohet për këtë akuzë deklaratës së një prej anëtarëve të Komisionit të Rithemelimit të PD-së, mbëshetës i Berishës.
Ndërkohë duke komentuar deklaratat e bëra nga vetë ish kryeministri Berisha të premten jashtë selisë së PD-së, Bardhi tha se lideri historik i demokratëve nuk i mohoi që ka skenarë dhune për protestën e të shtunës.
“PD ka marrë cdo masë teknike organizative për të shmangur cmendurinë në të cilën ka arritur Sali Berisha për të përplasur demokratët me demokratët.
Është përgjegjësia jonë të mbrojmë demokratët, që kjo seli mos kthehet në një arenë ku përplasen demokratët me demokratër për t’u bërë dhurata më e cmuar e Ramës.
Ky është qëllim i protestës që ka thirrur nesërr Sali Berisha e përgjegjësia jonë është të bëjmë maksimumin që kjo të mos ndodhë.
Sali Berisha kërkon sic thonë njerëzit e tij nesër gjakderdhje në selinë qendrore të PD-së
E keni lexuar deklaratën e një prej 29 anëtarëve të famshëm të atij që quhet komiteti i Rithemelimit?
Ka folur e flet për gjakderdhje në selinë qendrore të PD-së.
Berisha ka provuar më shumë se një herë se tjetër gjë thotë e tjetër gjë bën.
Qartësisht sot nuk mohoi që ka skenarë dhune që pakica e udhehequr prej tij t’u imponohet shumices se demokrateve.
Ky skenar dhune ka për të dështuar se demokratët kanë betejë me regjimin e Edi Ramës”, u shpreh për mediat Gazment Bardhi.