Të shtëna me armë zjarri janë raportuar këtë pasdite në qytetin e Beratit. Një 36-vjeçar është plagosur në këmbë në ambientet e një lokali.
Policia njofton se ka arrestuar autorin 50-vjeçar me inicialet N.T. Sakaq, mësohet se ngjarja ka ndodhur për motive të dobëta.
Burime bëjnë me dije se i plagosuri ka marrë ndihmë mjekësore në spital ndërsa gjendja e tij raportohet jashtë rrezikut për jetën.
Njoftimi i Policisë
Nga speciaistët e Seksionit për Krimet në Stacioni e Policisë Dimal, u bë arrestimi në flagrancë i shtetasit N.T., 50 vjeç, banues në fshatin Arrëz, Dimal, pasi në ambjentet e një lokali në lagjen “4 Shtatori”, Dimal, për motive të dobëta, ka goditur me armë zjarri në këmbë shtetasin E.F., 36 vjeç, banues në Dyshnik, Berat.
Shtetasi i dëmtuar mori mjekim në Spiatalin Rajonal Berat, pa probleme për jetën dhe u largua për në banesë. Materialet i kaluan Prokurorisë së Rrethit Gjyqësor Berat për veprime të mëtejshme.