Aktori Donald Veshaj iu rikthye sërish të shkuarës me Bora Zemani, në ditën e lindjes së moderatores.
Një ditë më parë, kur Bora Zemani festonte 30-vjetorin e saj, në shtëpinë e “Big Brother VIP” fluturuan tre parashuta për Donladin. Në njërën prej tyre, me shprehjen “Dashuria nuk duhet të jetë një sekret”, shënohet dhe data 9 janar.
Pasi i tregoi Beatix Ramosajt se çfarë shënon 9 janari, në mbrëmje, gjatë një bisede me Egzonën, aktori tha se ajo është një histori e shkuar që nuk kthehet më:
“Me gjërat që i di unë dhe shumë pak veta, nuk pse dikush jashtë të ndihet keq për këtë situatë. Unë jashtë isha, nuk isha këtu brenda. Mua nuk më bëri ‘Big Brother’ ky njeri që jam, nuk duhet të vlerësohen njerëzit se janë këtu brenda. Unë jashtë isha. Njeriun vlerësoje sa e ke, se në momentin që ikën, ndoshta nuk kthehesh më. Vjen një moment që lodhesh dhe thua nuk ka kuptim“.