Lëkundjet e tërmetit me epiqendër në Follorinë të Greqisë, janë ndjerë më së shumti në zonën e Devollit.
Veç tronditjes që pësuan banorët e fshatit Vranisht tregojnë se muret e shtëpive kanë pësuar plasaritje.
“Çuni….u trembëm mora fëmijët në krah dhe dola jashtë. U dëmtuan më shumë shtëpi se ishte dëmtuar dhe tërmetet e mëparshme”.
“Na u çanë muret ra suvaja”.
Nga vlerësimet paraprake në terren të grupit të emergjencave veç dy banesave në fshatin Vranisht janë dëmtuar dhe 6 të tjera. 2 prej të cilave në Bilisht, 2 në fshatin Mençurisht dhe 2 në Shuec.
Kreu i Bashkisë Devoll Eduard Duro thekson se deri më tani ku ka shtëpi të shembura.
“S’kemi dëme të shkallës së rëndë”.
Tërmeti i fuqishëm me magnitudë 5.6 e shkallës rihter në epiqendër u ndje thuajse në të gjitha qytet e vendit tonë.