Pas postimeve të pamjeve të koncertit – të mbajtur në Filarmoninë e Shkupit, mbrëmjen e 8 marsit – pak minuta më parë Tuna iu drejtua sërish Instagramit për të ndarë me ndjekësit të tjera emocione.
- “Ende jam duke i procesuar mesazhet dhe telefonatat e atyre që dëgjuan live ForTunën. Këtë roman të shkrirë në 7 kapituj. Me padurim pres që edhe ju të tjerët të më tregoni përshtypjet pasi ta “lexoni”. Do të gjeni veten në faqet e tij, ju garantoj… diku mes dorëzimit, përgjërimit, urrejtjes e dashurisë. Do të gjeni edhe forcën për të falur, madje më së shumti veten. Vetëm nëse jeni gati të kuroheni. Ky album është kurë për zemrën e secilit që dashuroi, së paku një herë. Është epos për fortunat e një zemre… Fortunat tona le te jenë këngët më të bukura.”
