Dy persona kanë rënë në prangat e policisë së Elbasanit si pasojë e ngjarjes së ndodhur pasditen e të premtes në këtë qytet.
Policia ka bërë me dije se ka arrestuar shtetasin B.M., 39 vjeç, banues në lagjen “Ali Pasha” dhe shtetasen F.C. 28 vjeçe, banuese në po të njëjtën lagje.
39 vjeçari B.M., të premten pas një konflikti me shtetasin A.G., e goditi këtë të fundit me sende të forta dhe I mori automjetin.
Ndërsa shtetasja, F.C. dyshohet se u ka bërë presion familjarëve të të dëmtuarit A.G., për të tërhequr kallëzimin.
Policia thotë gjithashtu se pas denoncimeve gjatë kontrrollit të ushtruar në banesën e shtetasit B.M., është gjetur dhe sekuestruar në cilësin e provës materiale një dozë lëndë narkotike e llojit heroinë.
Njoftimi i plotë:
Elbasan Në vijim të ngjarjes të ndodhur më datë 28.12.2018 në lagjen “Haxhias”, Specialistët e Hetimit të Krimit në Komisaritain e Policisë Elbasan, arrestuan në flagrancë shtetasit: • B.M., 39 vjeç, banues në lagjen “Aqif Pasha”,pasi pas një konflikti të ndodhur midis shtetasit A.G., dhe B.M., (të njohur mes tyre, banues në Elbasan), ky i fundit e ka goditur me sende të forta dhe i ka marrë automjetin . • F.C., 28 vjeçe , banuese në lagjen “Aqif Pasha” Elbasan, pasi dyshohet se u ka bërë presion familjarëve të dëmtuarit A.G, për të tërhequr kallzimin. Gjatë kontrrollit të ushtruar nga forcat e Policisë, në banesën e shtetasit B.M., është gjetur dhe sekuestruar në cilësin e provës materiale një dozë lëndë narkotike e dyshuar heroinë. Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale, “Vjedhje me dhunë” dhe “Prodhimi dhe shitja e narkotikëve” për shtetasin B.M., ndërsa për shtetasen F.C, për veprën penale “Kanosja për të mos kallëzuar” parashikuar nga neni 311 i Kodit Penal.