Në qytetin e Burrelit u përkujtua 109 vjetori i themelimit të Policisë shqiptare, kësaj organizate me kontribute të veçanta në ruajtje të rendit, sigurisë dhe qetësisë së qytetarëve.
Kryetari i Bashkisë Mat Agron Malaj, shefi i Komisariatit Ervin Hasrama, nënprefekti Hasan Pasha, nënkryetari i Këshillit të Qarkut Dibër Halit Palamani, drejtues vendor, efektivë të Policisë dhe familjarë të Dëshmorëve të Atdheut nderuam të rënnët nga radhët e Policisë në përballje me krimin.
Për të përjetësuar dëshmorin Baftjar Stafasani një rrugë në qytetin e Burrelit u pagëzua me emrin e tij, ndërkohë për dëshmorin Musa Skura u promovua libri “Çmimi i jetës”.
Malaj dhe Hasrama u shprehën se janë dashur shumë sakrifica dhe përpjekje për konsolidimin e Policisë së Shtetit, për mbrojtjen e jetës së qytetarëve, pronës dhe institucioneve shtetërore.
