Megjithëse nuk organizoi protestë opozita nuk ka munguar rreth e rrotull sallës së Kuvendit. Një dron që mbante pankartën “Parlamenti i krimit” është parë të fluturojë mbi godinën e sallës së seancave plenare.
Mësohet se u hodhën shashka dhe gurë nga selia e PD-së drejt Parlamentit. Situata gjithësesi nuk ka pasur agravime.
Ndërkohë që në Parlament po zhvillohet seanca plenare, gjatë së cilës u betuan shtatë deputetët e opozitës së re, mbi godinën e tij është parë ky dron.
Pankarta është përgatitur nga simpatizantët e PD-së. Droni lëviz në të gjithë hapësirën përpara godinës së parlamentit duke tërhequr edhe vëmendjen e kalimtarëve.
