Presidenti i Republikës Ilir Meta ka dekretuar 6 marsin për mbajtjen e zgjedhjeve vendore të pjesshme. Bëhet fjalë për zgjedhjen e kryetarëve të rinj në 6 bashkitë: Shkodër, Dibër, Durrës, Vorë, Lushnjë dhe Rrogozhinë.
Kreu i Shtetit uron që ky proces të jetë një shembull i besimit te demokracia dhe vota e lirë.
“Të dashur qytetarë,
Sapo dekretova caktimin e datës 6 mars 2022, për zhvillimin e zgjedhjeve të pjesshme vendore për kryetar bashkie në Shkodër, Dibër, Durrës, Vorë, Rrogozhinë dhe Lushnjë.
Uroj që ky proces të jetë një shembull i besimit te demokracia dhe vota e lirë! 🇦🇱”, deklaron Presidenti Meta.
