Një automjet i parkuar në rrugë është djegur në orët e para të mëngjesit të sotëm në Durrës. Ngjarja ka ndodhur në lagjen 17 të qytetit bregdetar.
Automjeti ishte parkuar në rrugë pranë banesës së pronarit dhe sipas banorëve rreth orës 04.15 është përfshirë nga flakët.
Djegia e mjetit është shoqëruar edhe me një shpërthim të fortë, ndërsa pritet të përcaktohet shkaku. Sipas banorëve, një tjetër automjet është djegur në zonë disa javë më parë.