Në një takim me demokratët e Durrësit, kreu i PD, Lulzim Basha, ‘sulmoi’ sërish ish-kryeministrin Sali Berisha ndërsa theksoi se ky i fundit lufton vetëm për interesa personale. Basha komentoi shpalljen non grata nga SHBA të Berishës ndërsa theksoi se në fillim ishte një ‘shok’ për të gjithë, por ish-kryeministri shkeli vijën e kuqe me protestën e dhunshme të 8 janarit në selinë blu.
“Shpallja ‘non grata’ e tij nga SHBA ishte me të vërtetë një shok për ne, por tani e shohim çdo ditë si sillet me demokratët, si manipulon, si gënjen, si kaluar vijën e kuqe më 8 janar duke u përpjekur të çojë demokratët në gjakderdhje.”-tha Basha.