Teksa numri i infeksioneve të reja me COVID-19 ka njohur rritje të madhe gjatë muajit janar, ndryshe paraqitet situata në spital, ku ka një reduktim të urgjencave. Nga ora 09:00 e ditës së sotme deri pothuajse në mesditë nuk ka pasur asnjë urgjencë në spitalin COVID 1, ndërsa ata që vijnë në spital në gjendje të rënduar janë të moshave mbi 60 apo 65 vjeç, raporton BW.
“Numër i reduktuar urgjencash në krahasim me 10 ditë më parë. MSh ka raportuar rritje të shtrimeve, 157 në 2-3 ditët e fundit. Ata që vijnë në spital janë të sëmurë rëndë mbi 60 vjeç. Familjarët thonë se të afërmit e tyre janë të vaksinuar me dy doza të Astra Zeneca, e konsideruar një nga vaksinat më të forta në Shqipëri. Dominojnë rastet e pavaksinuara dhe që nuk e kanë kaluar sëmundjen. Në të gjitha rastet të sëmurët nuk e kanë kaluar COVID-19. Vetëm në një rast të raportuar pak ditë më parë një i afërm kishte deklaruar se i afërmi i tij i shtruar në spital e kishte kaluar covid-19. Ndërkohë që rastet e tjera të shtruara nuk janë riinfektime”, raportoi Skëndaj.