Kryebashkiaku i Tiranës Erion Veliaj deklaroi se nesër do të padisë sekretarin e Përgjithshëm të FSHF Ilir Shulkun dhe sekretarin e Shoqatës Rajonale të Futbollit “Tirana” lidhur me zgjedhjet e sotshme për kryetarin e ri, ku fitues doli Krenar Alimehmeti. Në mbledhjen e organizuar me shoqatat sportive të kryeqytetit, Veliaj theksoi sot do të merren të gjitha vendimet e nevojshme, të cilat do t’i përcillen organeve të drejtësisë.
“Do bëjmë nesër dy kallëzime penale, një për sekretarin e Përgjithshëm të FSHF, për sekretarin e shoqatës së Tiranës, shoqatës së vjetër. Do t’i bashkohet vandakut të madh që ka në dorë prokuroria…Sot ëshë vetëm fillimi, ne do të marrim vendimet e nevojshme si shumicë absolute dhe do t’ia prezantojmë organeve të drejtësisë”, deklaroi kryebashkiaku i Tiranës Erion Veliaj.