Presidenti Ilir Meta ka reaguar pas deklaratave të sotme të kryeministrit Edi Rama, ku ky i fundit pohoi se “vendit i duhet një Presidenti normal”
“I uroj suksese në këto përpjekje për t’i rritur dinjitetin Parlamentit, siç ia ka shtuar prej vitesh bashkive, siç ia ka shtuar dhe drejtësisë e, sidomos tani Presidentit pas zgjedhjeve të 25 Prillit, kur kjo mazhorancë ka mundësi të kapë edhe këtë institucion.
Unë jam zgjedhur President me propozim të socialistëve. Ka qenë insistimi i vetë z.Rama, që në kushtet kur PD refuzoi ofertën të merrte Presidentin, këtë detyrë e mora me bindje për të shpëtuar institucionin e Presidentit nga ilegjitimiteti.
Ka qenë nje zgjedhje e imponuar nga rrethanat dhe uroj ta kem kryer me përgjegjshmëri të lartë këtë detyrë.
Jam shumë krenar për gjithçka kam bërë këto vite.
Midis pushtetit dhe demokracisë unë zgjedh të mbaj premtimin që kam bërë kur jam zgjedhur President: jam për demokracinë. Zgjedhja ime si President i Republikës ka qenë në atë kohë e detyruar. Edhe nëse nuk do ishim në këto kushte nuk do doja një mandat të dytë për President.
Jam shumë krenar për këto që kam bërë gjatë këtyre pesë viteve.
Zgjedhjet e mia i bëj me bindje dhe jo i detyruar nga faktor të tjerë të jashtëm”, tha Meta.