Beatrix Ramosaj ka reaguar për herë të parë pasi doli nga shtëpia e Big Brother VIP. Me një postim në Instagram, ajo falënderon të gjithë ata që e kanë mbështetur në rrugëtimin e saj në Big Brother VIP, ndërsa thotë se po përshtatet jashtë edhe me ndihmën e familjes së saj.
Ajo ka dhënë edhe një lajm të mirë për fansat, ku tregon se është fokusuar te muzika. Sa i përket romancën me Donald Veshajn, me të cilin nisi një histori dashurie kur ishte pjesë e Big Brother VIP, Beatrix thotë se nuk do të ndryshonte asgjë dhe “nëse do më zgjaste dorën që të hidheshim bashke, do e bëja po prapë”
“Dua ta nis këtë shkrim me një falënderim për të gjithë ju që më falni ngrohtësi dhe jeni interesuar mbi gjendjen time. Nuk do gënjej, jo çdo gjë është fushë me lule, tranzicioni në jetën reale sigurisht ka vështirësi, por kam fatin të jem pjesëtare e një familje që më gjendet pranë për çdo moment dobësie përgjatë përshtatjes. Ju kërkoj ndjesë për lënien pas dore të rrjeteve sociale, shfaqjeve televizive dhe mos përgjigjen e mesazheve, por realisht kam nevojë edhe për pak fare kohë që të rigjej gravitetin tim. Mund t’ju tregoi që përgjatë këtyre ditëve terapia ime ka qene pasioni dhe arsyeja perse unë jetoj, muzika. Po hedh çdo mendim dhe ndjenjë në letër dhe nota. E di që Monika dhe Arjola do jenë shumë të lumtura kur ta marrin vesh haha. Donaldin po e ndjek nga jashtë. E kam supportuar, do jem tifozja e tij e parë dhe siç e thash në sfiden e lajmeve i qëndroj mendimit që ai duhet të fitoj BBV. Përsa i përket marrëdhënies sonë, kam lexuar pak se si është parë nga jashtë. I kuptoj dhe ata që kanë qenë pro edhe deri diku ata kundër – Duke qenë se marrëdhënia jonë ka lindur pastër në një show ku ndjekësit janë lidh me protagonistët dhe mendojnë se kanë të drejtën e opinionit dhe gjykimit mbi të gjithë ne brenda apo jashtë shtëpisë. Sot është dita ime e 4 jashtë asaj shtëpie dhe nëse Donald Veshaj do më zgjaste dorën që te hidheshim bashke, do e beja po prap. Bekime dhe dashuri për të gjithë ju!”, shkruan ajo.