Partia Demokratike ka dërguar kërkesën për t’u regjistruar në KQZ për zgjedhjet e pjesshme lokale të 6 Marsit që do të mbahen në 6 bashki.
Sipas KQZ-së, PD ka dorëzuar listën e saj për anëtarët dhe sekretarët e KZAZ-ve.
PD ka dorëzuar në KQZ vërtetimin e gjykatës për përfaqësimin e partisë së krijuar në dhjetor 1990. Në dokument thuhet se kryetari i PD, Lulzim Basha, është personi i vetëm i autorizuar për të paraqitur kandidatët për kryetarë bashkie në emër të PD.
